Simbajon midaog back-to-back title sa Criterium ROM

CEBU - Nasakmit ni Dr. Jonathan Simbajon ang back-to-back titles sa Criterium Rider of the Month human nidominar sa September edition didto sa Mandaue City reclamation area.

Inay nga mohinay aron hatagan og higayon ang ubang pedal-pushers, miratsada hinuon si Simbajon aron pagtapos sa unang dapit.

Si Simbajon maoy nahimutang sa taas nga dapit sa iyang 86 puntos, labaw og nuybe puntos sa nagsunod niining si Celing Villarosa.

Si Nonoy Abasola mitapos sa ikatulo nga dapit sa overall standings sa iyang 61 puntos, labaw lang og usa ni Loloy Berdun.

Si John Ermitanio maoy mikompleto sa top five sa iyang 51 puntos.

Si Simbajon naglantaw og grandslam title sa pagpadayon sa aksiyon ugma sa mao gihapon nga binyu. – BANAT NEWS