Romulo mihangop sa Asian Youth Volleyball

CEBU – Si Kongresista Roman Romulo sa Pasig City mipakita’g kahimuot sa pagpili sa dakbayan sa Pasig isip maoy host sa 7th Asian Youth Girls Volleyball Championship karong umaabot nga Oktobre 11-18 didto sa Philsports arena sa Pasig.

Ang nahisgotang torneyo sa basketball gitumong sa 16 years and under gikan sa 12 ka nasud lakip ang host nga RP volleyball team.

Sa usa ka mensahe, si Kongresista Romulo nagkanayon nga “I would like to commend the officers and members of the Philippine Volleyball Federation, headed by its president Pedro Mendoza, Jr. for organizing the 7th Asian Youth Girls Volleyball Championship”. Si Romulo maoy Assistant Minority Leader sa kongreso ug anak ni Foreign Affairs Secretary Alberto Romulo.

Dugang pa ni Kongresista Romulo nga “the attendance of top teams from Asia ensures highly competitive nature of this event. Sporting events such as this emphasize the role of teamwork and fair play. As a result, those who participate in these events turn out to be more motivated, competitive and excellence-driven”.

Ang 12 ka teams nga mosalmot bahinon sa upat ka grupo nga may tulo ka teams mata’g grupo ug ang RP Team nahisakop sa Group A lakip ang Australia ug Sri Lanka.

Ang mga teams sa Group B mao ang defending champion Japan, India ug Indonesia samtang ang mga teams sa Group C mao ang South Korea, Iran ug Thailand.

Ang China, Chinese-Taipei ug Kazakhstan maoy naglangkub sa Group D.

Ang top three placers sa maong torneyo maka-angkon og luna ngadto sa World Youth Volleyball Championship didto sa Mexico City sa sunod tuig. – BANAT NEWS