Hapee teams midaog
CEBU - Bisan sa kanihit sa ilang magduduwa, ang Hapee Online Basketball Camp yano kaayong mipalukapa sa St. Francis of Assissi, 75-44 sa 17-under Hapee Online Basketball League Challenge Cup niadtong miaging adlaw didto sa Guadalupe Sports Complex, ning siyudad.
Gidominar sa Hapee ang tibuok duwa ubos sa hiniusang puwersa nilang Mark Navaja, Carlo Figuracion ug Christian Guillen nga nagkumboya og 48 puntos.
Si Navaja mipupo og 25, si Figuracion miani og 13 ug si Guillen miabuno og 10 puntos alang sa maong kadaugan.
Ang miluhod nga St. Francis of Assissi gipangulohan ni Ram Kiefer Enriquez pinaagi sa iyang 21 puntos.
Sa pasiunang duwa, ang Hapee Online 12-under mihakot sab og daog pinaagi sa pagpilde sa SACS, 49-46.
PUNTOS MATAG USA
Unang duwa:
HAPEE (49) -- Kong 15, Pestaño 12, Villasam 12, De la Cruz 5, Pestano 4
SACS (46) -- Reynes 23, Maligko 11, Villaceran 5, Toring 3, Arradaza 3, Igo 1
Ikaduhang duwa:
HAPEE (75) -- Navaja 25, Figuracion 13, Guillen 10, Miko 9, Cutamura 6, Teejam 5, Tacbobo 4, Tan 3
ST. FRANCIS (44) -- Enriquez 21, So 9, Young 5, Vivares 5, Derecho 4 (BANAT NEWS)
- Latest
- Trending
