Flores Cousins nakalingkawas

CEBU – Nabulahan ang Flores Cousins sa Consolacion dihang ilang naangkon ang nipis nga kadaugan human gipilde ang Paknaan Selection, 76-75 sa exhibition match didto sa Consolacion Sports Complex.

Ang kulbahinam nga duwa gilamasan sa 3-point shootout tali ni Poblacion Oriental barangay councilor Paul Alelu Flores ug Jimboy Prada sa Paknaan.

Igo lang milabaw og uno punto ang Flores Cousins, 71-70, apan si Paul Alelu, ang sinaligan kanhi sa Far Eastern University (FEU) Tamaraws dihang niduwa pa kini sa UAAP, mihimo og basket ug dayon mitusak og triple aron hatagan ang iyang kampo og sayes puntos nga labaw sa nahabiling 20 segundos sa duwa.

Hinuon, si Prada alisto kaayong nakatubag pinaagi sa iyang 3-point shot aron pagkitkit sa labaw, 73-76 sa katapusang 11 segundos.

Ang duha ka free throws ni Semblante maoy nakapabuhi sa Paknaan.

Si Paul Alelu, maoy nangulo sa Flores Cousins sa iyang 23 puntos samtang si Prada mao sab ang nangulo sa Paknaan sa iyang 21 puntos.

PUNTOS MATAG USA

Flores Cousins (76) -- Paul Alelu 23, Handy 10, Semblante 10, Kurt 7, Chao 6, Junix 5, Glydel 4, Ian 4, Brian 3, Amil 2, Walter 2

Paknaan (75) - Prada 21, Soco 17, Prada 8, Hoyohoy 7, Lauron 6, Calderon 5,B. Alimpoos 4, A. Alimpoos 3, Semblante 2  – BANAT NEWS