Dark gi-sweep sa Light Team:8th CESAFI All-Star

CEBU – Ang Light Team nga gipangulohan sa 6-11 nga higante nga si Gregory Slaughter sa defending champion University of the Visayas (UV) Green Lancers mi-sikor ug 22 puntos ug maoy nahimong MVP dihang ang iyang team naka-ipsot batok sa Dark Team nga gipangulohan sa 6-9 nga higante sa University of Cebu (UC) Webmasters sa iskor, 76-72 atol sa pagpahigayon sa 8th Cebu Schools Athletic Foundation, Inc. (CESAFI) basketball season Light vs. Dark kaniadtong Sabado didto sa Cebu Coliseum.

Ang 22 puntos ni Slaughter igo nang nakapahimo niyang MVP ug tukma kadto kay wala man siya manimaho sa iyang kampanya sa slam dunk contest nga yano kaayong nasakmit sa rookie sa University of Southern Philippines-Foundation (USPF) Panthers nga si Elwin Durano nga taga lungsod sa Tuburan.

Si Fajardo mao sab ang leading scorer alang sa Dark Team ug ang iyang 18 puntos ubos lang og upat ka puntos kang Slaughter nga mao sa’y numero nga nadag-an sa Light .

Ang Light Team mi-sweep sa duha ka duwa sa All-Star tungod kay ang juniors midaug man sab batok sa Dark sa iskor 99-89.

Wala’y napiling MVP alang sa high school nga gipangulohan ni John Michael Auditor sa UV Baby Lancers sa iyang 30 puntos ug maoy nag-una sa Mythical Five uban sa iyang teammate sa UV nga si Arvie Cabañero ug sila si John Marty Pearce sa UC Mark Tallo Jr. ug Jeffrey Taghoy sa CIT sa habig sa Dark.

Ang napiling Mythical Five alang sa collegiate division mao sila si Slaughter ug iyang mga teammates nga sila si Von Harry Lanete ug Junjun Lasala, Fajardo, Luther Luke Justiniani sa USJ-R ug si John Emel Rowe sa USC.

Ang Light Team ni coach Elmer “Boy” Cabahug maoy nagsige og labaw ug nakaposte pa’g 17 puntos nga abante, 63-46 sa basket ni Slaughter sa kataposang 1:28 sa third period.

Hinuon, nakamaniho og kamang paduol ang Dark Team ni coach Edito Salacut hangtod nga misikit sila ngadto sa duha na lang ka puntos human sa tira ni Edward Pao, 72-74 may 9.2 segundos na lang ang nahibilin sa duwa.

Ang Light mao kanunay ang modaug sa kasaysayan sa All-Star Game tungod kay mahilakip man sa ilang line-up ang mga UV Lancers apan diha sa’y mga higayon nga maka-upset sab ang Dark Team nga gilangkuban sa mga taga UC ug USJ-R nga mga players ilabi na sa panahon pa ni kanhi USJ-R coach Jun Tan nga midaug ang West batok sa East human sa tira ni kanhi Jaguars ug karon PBA star Ardy Larong diin ang All-Star Game gitawag pa og East vs. West.

Puntos kada usa:

First Game: Jrs.

Light (99)—Auditor 30, Ferraren 23, Cabañero 13, Ybañez 12, Llenes 8, Del Socorro 6, Muñez 5, Cañete 4, Felisario 2, Octobre 2, Belangel 2, Demana 2

Dark (89)—Pearce 19, Tallo 14, Codilla 11, Taghoy 10, Pogoy 8, Nuñeza 6, Ampo-on 4, Getalla 4, Uy 4, Reyes 3, Taboada 3, Sanchez 3, Halftime 38-46

Second Game: Srs.

Light (76)— Slaughter 22, Rowe 9, Lanete 7, Maguate 7, Hermosa 6, Cantonao 6, Diputado 5, Lasala 4, Cortes 4, Joven 2, Sendrijas 2, Padillo 2

Dark (72)—Fajardo 18, Pao 9, Gabas 9, Justiniani 7, Ponce 6, Enterina 3, Delfino 2, Quilantang 2, Gudez 2, Malinao 2, Colegado 1 Halftime: 40-31 – BANAT NEWS