Golden Lines, Unilink naka-eskapo

CEBU - Ang Golden Lines Shipping ni George Uy milansang og 99-90 batok sa Ave Maria Sanctuary Park aron pag-angkon og luna sa finals sa Vic Enterprises Invitational basketball tournament didto sa Cebu Eastern College (CEC) gym.

Gibundakan og 12 puntos nga lubong ang Golden Lines, 40-52, apan sila si Elvis Labares, Alex Cainglet ug Deodato Lunday mipasiugda og 28-13 run aron pag-ilog sa labaw.

Si Labares, ang kanhi University of Southern Philippines (USP) Panthers maoy nangulo sa Golden Lines sa iyang 25 puntos, samtang sila si Cainglet ug Lunday nga pulos produkto sa University of Cebu (UC) nagkumboya og 28 puntos.

Si Freddie Latosa mao sab ang nangulo sa Ave Maria sa iyang 22 puntos, samtang si ex-pro Marlon Piodo mikahig og 17 puntos ug gisundan ni Bobby Hatague sa iyang 15 puntos.

Ang Golden Lines moharong sunod batok sa modaog sa tinaktakay nga duwa tali sa Unilink Shipping ug Ave Maria sunod semana.

Nakaginhawa pa ang Unilink human maka-ipsot gikan sa mga kamot sa Boysen Paints sa iskor nga 113-100.

Si Martin Grogard mirehistro og game-high 32 puntos alang sa Unilink, samtang si Cris Matunog mao sab ang topscorer sa naparot nga Boysen sa iyang 21 puntos.

PUNTOS MATAG USA

Unang duwa:

GOLDEN LINES (99) -- Labares 25, Cainglet 15, Lunday 13, Cuyno 11, Armenion 7, Jayme 7, Ortega 6, Lim 6, Uy 4, Cenabre 3, De la Pisa 2

AVE MARIA (90) -- Latosa 22, Piodo17, Hatague 15, Desuyo 12, Senining 10, Rodriguez 6, Estudillo 2, Ramos 2, Salacut 2, Lapiz 2

Ikaduhang duwa:

UNILINK (113) -- Grogard 32, E. Aniñon 25, Pancho 25, Labajo 11, Caparas 10, Baclay 10

BOYSEN (100) -- Matunog 21, Ramodez 17, Suico 12, Decatoria 12, Dy 7, Laguna 7, Abella 6, Perez 6, Choachuy 5, Lim 5, Capili 2