Huaquiao Univ. top contender

Ang Huaqiao University nga gikan sa China maoy usa sa mga top contenders atol unya sa 6th Asian University Basketball Championship (AUBC) karong Hulyo 5-12 diha sa Cebu Coliseum.

Ang Huaqiao University nagbase sa Fujian province ug usa sa labing inilang tunghaan sa China ug maoy kampiyon sa China University Basketball Association (CUBA) niadtong 2003. Mao kini ang ikaduhang tuig nga misalmot ang Huaqiao University sa AUBC nga gisugdan niadtong 1998 diin ang University of Manila Hawks ni coach Ato Tolentino maoy unang midaog og korona.

Sa miaging tuig, ang Huaqiao mipahiluna sa ikatulong puwesto sa maong torneyo nga gidominar sa  Rizal Technological University nga gipahigayon didto   sa Daet, Camarines Norte.