Carcueva nangulo kadaugan sa Zebron Red
Mirehistro na sab og daog ang Zebron Red pinaagi sa pagpukan sa SMAA sa iskor nga 89-77 sa 2008 Sambag 1 Summer League niadtong miaging adlaw didto sa Sambag I Sports Complex.
Sikit pa sa ampaw sa Carcar ang depensa nga gipatuman sa Zebron Red nga maoy ilang bugtong taming pagsanta sa mga opensiba sa SMAA aron pag-angkon og siyete puntos nga bentaha sa first half, 42-35.
Nainat pa kini ngadto sa 11 puntos dihang nagkumboya silang Franklin 'Narf' Carcueva, Renston ug Valla og 32 puntos aron tapuson ang third sa iskor nga 65-54.
Si Carcueva mihipos og 12 puntos, samtang sila si Renston ug Valla adunay 10 puntos matag usa sa maong kuwarter.
Misuway og sikit ang SMAA apan pakyas kini kay padayon man nga naglagiting ang kainit sa opensiba sa Zebron Red.
Si Carcueva maoy nangulo
sa Zebron sa iyang 25 puntos, gisundan ni Renston nga adunay 22 puntos, samtang si Valla adunay 18 puntos. Ang pilderong SMAA gipangulohan sab ni Jack Sala sa iyang 23 puntos.
Ang maong liga gipasiugdahan sa Sambag 1 Barangay Council sa pagpangulo ni Brgy. Capt. Jerry Guardo uban sa suporta ni Jonathan 'Atan' Guardo sa Uniherb
Puntos matag
Zebron Red (89) -- Carcueva 25, Renston 22, Valla 18, Mancao 10, Turo 10, Bacalso 4
SMAA (77) -- Sala 23, Galang 20, Luntoy 18, Amang 6, Gaga 6
- Latest
- Trending
