Queen City Footrace Mosikad karon
Magginukdanay karon ang dul-an sa 500 ka runners sayo ning buntag sa pagsikad sa
Ang lumba sugdan sa alas-5:00 sa buntag diin si Undersecretary Hon. Phineas Alburo maoy mopabuto sa starting gun timaan sa pagsugod sa lumba.
Sila si Eugene Delposo ug Leizl Lumindas-Getaruelas gipaabot nga maoy manghawod sa ilang tagsa-tagsa ka dibisyon. Sila si Delposo ug Getaruelas lab-as pa nga misakmit og korona sa 10K Ilocanos and Friends Fun Run niadtong Domingo.
Modagan sab si Mendel Lopez kinsa gituohan maoy lig-on nga karibal ni Delposo.
Gawas sa men ug women's open, ang Marathon Organizers of Central Visayas (MO-CV) nagmugna sab og special categories sama sa tourists, Cebu Executive Runners Club (CERC), PNP, AFP division (PA, PN, PAF), MEPZ division, Masters ug Tri-media division.
Modagan sa special mao ang mga inilang indibidwal sama ni Liloan Mayor Vincent Frasco, Atty. Haide Acuña sa ABS-CBN ug ang managsuong Guardo nga sila si Jonathan, Jerry ug Jason.
Ganting salapi, tropeyo, medalya ang madawat sa mga mananaog. Hatagan sab og award ang labing bata nga winner ug ingon man ang kinadaghanan nga delegasyon.
Ang makampiyon sa men ug women's open divisions makadawat og P5,000 matag usa, ang mopahiluna sa ikaduha makadawat og P3,000, samtang ang mokapiyot sa ikatulo mobulsa og P1,000.
Ang fourth placer makadawat og P700, ang fifth placer P500, samtang ang sixth ngadto sa tenth placers makadawat og P300 matag
Si Jonathan Guardo maoy miangkon sa P5 mil nga ganting salapi alang sa manghawod sa women's open.
Ang talahurong bise mayor sa dakbayan sa Sugbu maoy mohatag og award ngadto sa mga winners.
- Latest
- Trending
