Orange, Green wala pay pilde
Ang Orange team nga nagtangag og 4-0 nga baraha gipangulohan ni Clifford Abelgas sa iyang 12 puntos ug gisundan ni Cloyd Gabilan sa iyang 10 puntos. Ang Yellow team nga wala pa makadaog sud sa tulo ka duwa gipangulohan ni Kevin Abellanosa sa iyang 11 puntos, gisundan ni Alfie Dogomeo nga may otso puntos.
Sa laing duwa, ang Green team milubong sa Blue team, 52-42 aron pagkulit sa ilang ikatulong sunod-sunod nga kadaugan.
Ang Green team nakapanemaho sa ilang sayong kadaugan dihang ilang gilubong ang Blue Team, 24-8 sa first quarter, apan ang naulahi migukod sa second quarter, 30-27 pabor sa Green team.
Sa tuyo nga dili madisgrasya, ang Blue team mipabuhagay sa ilang init nga opensiba lakip na ang duha ka 3- pointer ni Rodel Sabellano Jr. aron maangkon ang kadaugan.
Ang summer league gipasiugdahan sa ilang SK chairman Cristopher Lim uban sa suporta ni Brgy. Capt Danny Lim.
- Latest
- Trending
