Dacera, Vega midominar sa Olango Swim Challenge
Gidominar nilang Nikita Dacera ug Paula Abigail Vega ang Olango Challenge 2008: Swim for a Cause didto sa isla sa Mactan niadtong Sabado.
Si Decera nga nirepresentar sa PCEAS mitapos sa 5-kilometer open water swim sa libot sa Olango Island sa oras nga 1:02:40.26, samtang ang 25-anyos nga si Vega sa University of Cebu (UC) mitabok sa finish line sa oras nga 1:14:55.
Si Vega dili unta mosalmot sa maong lumba tungod kay mahadlok kining molangoy og open water, apan gimaymayan kini sa iyang pamilya hinungdan nga nausab ang hunahuna niini.
Ang PCEAS miposte og 1-2 finish sa men's division uban ni Keifer Ticao kinsa mitapos sa oras nga 1:05:03.88.
Miangkon sa ikatulong dapit mao si Joshua Desamerto sa Lake City Swim Club sa oras nga
Si Marvie Borja sa Lake City Swim Club maoy mipahiluna sa ikaduha sunod ni Vega sa oras nga 1:20:52.96, samtang si Dennice Juliet Cordero sa Blue Dragon maoy mitapos sa ikatulo sa oras nga 1:27:13.45. Si Katrina Rubi sa Island Souvenirs maoy mipahiluna sa ikaupat sa oras nga 1:29:19.60 ug ang mikapyot sa ikalima mao si Larrisa Ang sa oras nga 1:38:05.56
Sa fun swim category, si Akiko Thomson mipamatuod sa iyang pagka-numero unong swimmer sa nasud pinaagi sa pagpahiluna sa unang dapit sa oras nga 1:24:13.25. Gisundan nilang Tomas Artigas ug Bernard Tanchan nga mi-okupar sa ikaduha ug ikatulo nga dapit.
Ang kanhi triathlete ug big boss sa Islands Souvenirs nga si Jay Aldeguer mitapos sa ikalima sa mao gihapon nga kategoriya. Iyang gitapos ang lumba sa oras nga 1:44:15.81.
Sa fin swim category, sila si Gerwin Domingo ug Rhoda Trisha Darnayla maoy nanghawod sa ilang dibisyon.
- Latest
- Trending
