Zebron Red Mipukan sa Lower Central
Gibuntog sa Zebron Red ang Lower Central sa iskor nga 80-69 sa seniors divison sa nagpadayong aksiyon sa Sambag 1 Summer Basketball League didto sa Sambag 1 Sports Complex, ning siyudad.
Ang Zebron Red kinsa nagkupot na karon og 5-1 maoy unang team nga nakapilde sa Lower Central. Ang Lower Central nagbitbit na og 4-1 nga baraha.
Ang Zebron Red igo lang milabaw og tres puntos, 19-16 sa first quarter. Sa kabangis sa Zebron Red mitubo ang labaw ngadto sa siyete puntos, 40-33 paghuman sa first half.
Si Remston mibahog og 21 puntos, gisundan ni Narf kinsa mitampo og 20 alang sa Zebron Red, samtang ang naparot nga Lower Central gipangulohan ni Daryll Yuvallos kinsa mi-iskor og 24 puntos, si Victor Kugal miamot og 19 puntos alang sa maong kaparotan.
Puntos matag
Zebron Red (80) --Renston 21, Narf 20, Valle 15, Turo 10, Mancao 8, Onggo 6
Lower Central (69) --Yuvallos 24, Kugal 19, Tata 13, Garbo 8, Costanilla 5
Quarterscores:
19-16, 40-33, 58-49, 80-69
- Latest
- Trending
