Coke Zero, BIAR milubong sa ilang kontra
Nakalubong na sab ang Coca-Cola Zero ni Allan Lim ug ning higayona ilang gibiktima ang AC Sports nga gipangulohan ni Archie Baba sa iskor nga 103-83, samtang ang BIAR ni Bing Abbu milubong sab sa HTW, 101-80 sa nagpadayong aksiyon sa 5th Punta Princesa Basketball Cup didto sa Vicente Sotto Memorial Gym sa barangay Punta Princesa, ning siyudad.
Human magtabla, 18-all paghuman sa unang kuwarter, ang Coca-Cola Zero milusad og rally sa second half aron pagbaton og 12 puntos sa iskor nga 71-59 paghuman sa third quarter.
Si Robert Abasolo mibahog og 32 puntos, kasagaran niini gikan sa assists ni playmaker Lito Navarro. Si Navarro mi-iskor og 20 puntos, samtang si James Lloyd ‘Jimbo’ Noel ug Allan Lim nagkumboya og 27 puntos alang sa Coca-Cola Zero nga nagtangag og 4-2 win-loss record.
Samtang ang nangulo sa AC Sports mao si Danny de la Peña sa iyang 22 puntos. Sila si Robert Ortega ug Along Coliflores nagkurambos og 37 puntos alang sa ilang koponan nga adunay 3-3 nga baraha.
Sa laing aksiyon, ang BIAR yano ra miangkon sa ilang kadaugan dihang ilang gidominar ang duwa gikan sa pagsugod hangtod nahurot ang oras sa regulasyon.
Si Jay-R Cadao miposte og game-high 37 puntos, samtang sila si Bing Abbu ug Allan Amores miabuno og 14 puntos matag
Si Ian Desoyo mao sab ang nangulo sa HTW sa iyang 23 puntos. Sila si Robert Soco ug Ariel Estudillo mitampo og 14 puntos matag
PUNTOS MATAG
unang duwa:
Coca-Cola (101) - Abasolo 32, Navarro 20, Noel 15, Lim 12, Legaria 8, Tecson 6, Cabasan 6, Gallardo 2
AC Sports (83) - De la Peña 22, Ortega 19, Coliflores 18, Pepito 8, Mier 6, Atillo 4, Baba 4, Rago 2
Ikaduhang duwa:
BIAR (101) - Cadao 37, Abbu 14, Amores 14, A. Arellano 13, K. Arellano 10, Batiquin 4, Cavite 4, Damiago 4, Solatorio 1
HTW (80) - Desoyo 23, Soco 14, Estudillo 14, Cuadra 12, Roma 10, Pelonio 3, Omangay 2, Bertulfo 2
- Latest
- Trending
