Ave Maria, 6-0 na's Vic Enterprises hooplah

Ang Ave Maria Sanctuary Park milansang sa ilang ikaunom nga sunod-sunod nga kadaugan human gilubong ang   dinaog-daog nga Roble Shipping,105-84  sa nagpadayong Vic Enterprises 2008 Invitational Basketball Tournament  niadtong Domingo didto sa CEC gym sa dalan Dimasalang, ning siyudad.

Usa na lang ka daog ang kinahanglan sa Ave Maria aron ilang maharos ang elimination round.

Si Dindo Paciño mi-iskor og 18 puntos alang sa Ave Maria, samtang si Danrey Baclay miposte og 26 puntos alang sa Roble Shipping.

Sa laing mga duwa, ang 100 Plus Isotonic Drink mipukan sa Mitsubishi sa iskor nga 74-67, samtang  ang Cebu Lite Trading mibuntog sa   Cyber Rasta sa iskor nga 94-86.

Sila si Bonjing Mendoza ug Lando Luces maoy naghatag sa 100 Plus og 2-3 nga baraha nga  mikulit og 16 puntos  matag usa, samtang si Matt Zamora nga adunay 18 puntos mao sab ang nangulo sa pilderong Mitsubishi kinsa nagbitbit og 2-4 win-loss record.

Si kanhi SWU Cobras Elmer dela Cruz ug si Inting Reyes nga pulos mibugha og 16 puntos maoy nangulo sa 3-2 nga Cebu Lite, si Jimbo Noel mitampo og 14 puntos ug si Lito Navarro miamot og 13 puntos.

Ang Cyber Rasta (1-5) gipangulohan ni Ryan Veloso kinsa miposa og 30 puntos.

Sa ilang 3-2 nga baraha, posible pang mosaka sa ikaduhang dapit ang Cebu Lite ilabi na og modaog sila sa Unilink atol unya sa rematch aron pagmugna og triple tie tali sa Unilink ug Golden Lines.

Ang Cebu Lite napilde sa Golden Lines, apan ang naulahi, napilde sab sa Unilink. Sa higayon nga modaog ang Cebu Lite, mas daku sila’g purohan nga motapos sa ikaduha.

Puntos Matag Usa

Unang duwa:

100 Plus (74) -- Mendoza 16, Luces 16, F. Estorba 13, Maranga 10, Dee 8, Lim 4, Nadera 4, Estorba 3

Mitsubishi (67) -- Zamora 18, Jayme 17, Villamora 12, Villamor 6, Aringo 6, Biton 4, Pimentel 4

Ikaduhang duwa:

Cebu Lite (94) -- Dela Cruz 16, Reyes 16, Noel 14, Navarro 13, Magdales 10, Sasing 10, F. Te 8, Mauro 3, B. Te 2, Labilles 2
Cyber Rasta (86) -- Veloso 30, Canoy 15, Bacalso 13, Dela Cruz 10, Arong 7, Maranga 3, Bullo 2, Fuentes 2, Leyson 2, Ramas 2

Ikatulong duwa:

Ave Maria (105) -- Paceño 18, Desuyo14, Pugoy 14, Latosa 14, Estudillo 9, Soliman 8, Lapiz 8, Senining 8, R. Senining 6, Alesna 6

Roble Shipping (84) -- Baclay 26, D. Lim 17, Ranile 12, Dandan 11, Silvano 6, Lungay 5, Quinañola 4. Go 3

Ikaupat nga duwa:

Unilink (79) -- Grogard 27, P. Gabatan 8, Yap 8, Baclay 8, Benci 6, Doblas 5, Narvasa 4, Trinidad 4, Kwan 3, Lim 2, Datan 2, J. Gabatan 2

Golden Lines (73) -- Cabaltera 15, T. Lim 13, Jayme 12, Armenion 11, Uy 8, Cenabre 8, Cortes 6