Hayden midaog sa SRBC
Ang team Hayden nagsalig sa ilang kainit sa third quarter aron pagpukan sa San Remigio Beach Club (SRBC) sa iskor nga 72-69 sa nagpadayong aksiyon sa 2008 K Gallery First Conference Basketball Tournament didto sa Visayan Glass Gym sa barangay Guadalupe, ning siyudad.
Ang Hayden nabiyaan og dos puntos paghuman sa first half, 32-34, apan mipabuto kini og 23-12 sa third quarter aron pag-ilog sa labaw, 55-46 paghuman sa maong kuwarter.
Mihulga ang San Remigio pag-ilog sa labaw, apan napakyas kini kay ang Hayden walay hunong nga mipatuasik sa ilang mga puntos hangtod nga nahurot ang oras sa ilang duwa.
Sa laing duwa, milansang sab og daog ang Alejandro human gipilde ang Sam's Moondogs sa iskor nga 57-53, samtang ang Heartvit midaog pinaagi sa default batok sa University of San Carlos (USC) Law.
PUNTOS MATAG
Hayden (72) - Llegunas 15, Gabuya 14, Llegunas 13, Cabreros 12, Rollon 10, Medalle 4, Laborte 4
San Remigio (69) - Perolino 17, Fernandez 15, Ramos 15, Alano 9, Delantar 8, Ylaya 5
- Latest
- Trending
