SRBC, Kidneycare midaog na sab
Milansang na sab og daog ang San Remigio Beach Club (SRBC) ug Kidneycare sa 2008 K Gallery First Conference basketball tournament didto sa Visayas Glass Gym sa barangay Guadalupe, ning siyudad.
Ang San Remigio Beach Club miposte sa ilang ikatulong sunod-sunod nga daog human sa ilang kadaugan batok sa MJV Builders, 71-61, samtang ang Kidneycare ni sports patron Jonathan ‘Atan’ Guardo milubong sa Yayoy’s Grill sa iskor nga 75-54.
Sa laing duwa, ang Herea Salon nakalahutay human malubong og 15 puntos sa second quarter aron pagpukan sa Diakon sa iskor nga 63-55.
Ang Diakon nakabentaha og 15 puntos sa first quarter, 22-7, apan ang Herea Salon mitubag pinaagi sa pagpabuto og 23-7 sa ikaduhang kuwarter aron pag-ilog sa labaw sa halftime, 30-29.
Namentinar sa Herea Salon ang ilang labaw hangtod nga nahurot ang oras sa ilang duwa.
PUNTOS MATAG
Herea Salon (63) - Doblas 22, Abapo 13, Daño 10, Sombrio 9, Quibol 5, Añabieza 4
Diakon (55) - Roncal 27, Navaja 15, Arminion 5, Jabasa 4, Jueco 4
- Latest
- Trending
