Napulo ka Sugbuanon apil sa Nike Basketball camp

Napulo ka Sugbuanon ang naapil sa Nike Elite Basketball Camp nga sugdan karong adlawa hangtod sa Marso 18 sa Brent International School sa Mamplasan, Laguna.

Ang Nike Elite Basketball Camps pinaagi lamang sa imbetasyon ug libre kini sa mga tinun-an sa high school nga nag-edad og 14 hangtod sa 17 anyos.

Ang napiling napulo ka magduduwa  naglakip nilang  Joseph Roma, Rene Sta. Maria, Jasper Diaz ug Elmer Cabahug sa Sacred Heart School-Jesuit (SHS-J) Jeff Ryan Alviva ug Leymund Babad sa University of Cebu (UC)  ug Chino Uy Jr., Sherwin Co, Kim Jordan Nuñeza ug Nilton John Otida sa University of San Carlos (USC) North Campus.

Uban nila ang laing  pambato gikan sa nagkalain-laing bahin sa nasud ug himbisan kini atol unya sa unom ka adlaw nga training camp.

Mangulo sa coaching staff mao si  Eric Altamirano kinsa abagan kini nilang Alex Compton, Dennis Madrid ug Ralph Rivera.

Mosuporta sab sa maong kalihukan mao ang mga langyaw’ng coaches gikan sa America, PBA coaches Tim Cone ug Chot Reyes.

Ang mga partisipante tagaan og libreng Nike shoes, jerseys ug shorts ug ingon man ang mga makaon niini.