Robinson's Supermarket basketball tournament sugdan karon

Mosikad na karon ang 1st Robinson’s Supermarket Basketball Tournament sa alas-10:30 sa gabii diha sa Visayas Glass Gym sa barangay Guadalupe, ning dakbayan.

Unom ka teams ang magtigi sa dungog sa maong torneyo nga nagtangag og P8,000 nga ganting salapi.

Kini mao ang Astig Bulls, Nuggets, Giants, Falcons, Outlawz, ug Supersavers-Banilad.

Gawas sa mga tropeyo, ang kampiyon makabulsa og P6,000, samtang ang runner-up makadawat og P2,000.

Sa dili pa ang  kumbati, adunay pagahimuon nga opening ceremony.  Molamas sa opening ceremony mao ang paghagpat og best muse ug best in uniform.

Ang mga judges mao sila si Sily Jumawan, Maryann Camay ug Jacillo Orongan.

Ang maong kalihukan nga gidumala ni commissioner Sidney Kiamko ug Jeffrey Jaen gipaluyohan sa Beverly Jaen-Johnson, Darleen Dale Jaen, Jennifer June Jaen, Atty. Jefrey Pabriaga ug K Gallery Frames.