Bambi Cooking Oil mipukan sa Moondogs
Laing tulo ka teams nga gipangulohan sa Bambi Cooking Oil ang mirehistro sab og daog atol sa pagbukas sa 2008 K Gallery Basketball League First Conference niadtong Domingo didto sa Visayas Glass Gym sa barangay Guadalupe, ning siyudad.
Ang Bambi Cooking ni coach Ryan Betia ug team captain Frederick Castañeda mihipos og daog human gipilde ang Sam’s Moondogs sa iskor nga 75-68.
Sa laing mga duwa, ang Daks Kakanin naka-eskapo gikan sa mga kamot sa Atan Guardo-Sherilin Plastics dihang ila kining gipilde sa iskor nga 59-57, samtang ang Don Alejandros milubong og 12 puntos sa Diakon sa iskor nga 72-60.
Ang Bambi Cooking Oil naglabaw og kuwatro puntos paghuman sa unang kuwarter, 18-14, apan ang Sam’s Moondogs milusad og 21-12 run sa ikaduhang kuwarter aron pag-ilog sa labaw sa halftime sa iskor nga 35-30.
Gikan niadto, ang Sam’s Moondogs mao na ang nagdala sa duwa hangtod ang Bambi Cooking Oil mipasiugda og rally sa katapusang tres minutos sa duwa. Ang crucial triple ni Jethro Dejaño sa nanghinapos nga bahin sa duwa maoy nagselyado sa kadaugan sa Bambi Cooking Oil.
Si Mike Yong maoy nangu sa Bambi sa iyang 20 puntos, gisundan ni kanhi USC Warrior Vernini Tangarorang nga mikati og 13 puntos.
Sa laing bahin, si Enrico Lim mao sab ang nangulo sa kadaugan sa Daks Kakanin sa iyang 16 puntos.
Ang Daks Kakanin nabiyaan og tres puntos, 43-46, apan nakabawi kini sa nanghinapos nga bahin sa fourth quarter aron pagpukan sa Atan Guardo-Sherilin.
PUNTOS MATAG
Unang duwa:
Daks Kakanin (59) -Lim 16, Cabiles 12, Dayon 9, Salarda 8, Co 8, Ramil 4, Nutia 2
Atan Guardo (57) - Custudio 13, Lanutan 11, Antido 11, Potencioso 9, Murillo 7, Que 3, Genes 3
Ikaduhang duwa:
Bambi (75) -Yong 20, Tanggarorang 13, Villagonzalo 10, Mansueto 9, Masiglat 8, Dejaño 5, Sereño 4, Paspie 2, Alvarez 2, Castañeda 2
Moondogs (68) - Pancho 17, Viliran 16, Sensano 10, Grogaard 8, Osorio 7, Go 5, Ygay 3, Seroy 2
- Latest
- Trending
