Slow play

Ang hinay nga dagan (slow play) sa dula laay kaayong tan-awon. Sa opisyal nga opinyon base sa mga lagda sa torneyo sa bilyar, mahimo kining isipon nga usa ka kalapasan. Depende sa dugang mga lagda nga ipatuman sa mga tigpasiugda sa torneyo, kini mahimong tawgon nga impediment.

Dinhi moalid na sab ta sa opinyon sa referee. Dinhi mo-refer ta sa iyang baroganan ug pagtan-aw sa dagan sa dula. Kun sa opinyon sa referee ang magdudula mi-impede sa progress sa dula o torneyo pinaagi sa iyang consistent nga slow play, mahimong hatagan niya'g warning ang player nga naghimo sa ingon.

Human sa warning, mahimo sab nga sa iyang discretion mopatuman siya'g usa ka minuto nga  limit sa maong nagpatuman og lagda kalabot niini hinungdan  nga adunay mga torneyo nga higpit nga nagpatuman og lagda kalabot sa shotclock violations kay namatikdan nga adunay mga magdudula nga sobra ra kaayong molangay sa dula nga maka-distract ug maka-demoralize  na hinuon sa kaatbang ug mga tumatan-aw.

Kun ang referee mi-imposar og one-minute limit ug ang maong time limit nalapas na sa magdudula, ang magdudula nga may turno sa pagtira pahamtangan og foul. Kun mahitabo ang ingon niini nga sitwasyon, ang incoming player maoy patirahon sumala sa mga lagda nga applicable sa dula.

Sa akong tan-aw, mas maayo nga ipatuman gayod kining maong ruling aron madisiplina ang mga magdudula nga sobra kalangayan. Makaduka ang torneyo kun langay-langayon kaayo ang magdudula.

Sa pagpatuman ning maong ruling, anhi sab nato makita kun unsa ka well-prepared ang usa ka magdudula sa iyang pagsalmot sa torneyo. Anhi nato masukod sa hingpit ang kait-on sa magdudula ug ang iyang kaabtik sa paghimo'g hinanali apan pinahimutang nga desisyon.

* * *

MAGBILYAR TA TEXTMATE PORTION: 0920-4432958 (Eden Joy_, 0920-5477135, 0928-5499780, 0921-7322581, 0910-2367984 ug 0920-8764035.

* * *

(Mga sugyot ug pakisayod? Text sa 0910-8105522)