Red Bull miangkon sa ikatulo

Ang Red Bull Barakos maoy labing unang team nga midaog og back-to-back second runner-up honors sa Philippine Basketball Association sa milabay'ng upat tuig human nila gilubong ang Alaska Aces, 125-104 aron pag-angkon sa ikatulong dapit sa Smart Philippine Cup kagabii didto sa Araneta Coliseum.

Yano ra kaayong nakab-ot sa Barakos ang ilang gitinguhang kadaugan dihang ilang gikontrolar ang nahabiling tulo ka kuwarter aron ilang makaluhaan ang ilang nakab-ot sa miaging Fiesta Cup.

Si Mike Hrabak miposte og  17 puntos ug mirehistro og game-high nga walo ka rebounds apan si Cyrus Baguio maoy nangu sa team sa scoring ug assists nga mi-ariya og 23 puntos ug milangkat og siyam ka rebounds.

Si Carlo Sharma kinsa gikatimbang ni Baguio sa opensa  mitimang og 21 puntos.Si Tony dela Cruz mao sab ang nangulo sa tanang scorers sa Alaska sa iyang 31 puntos.  (Yoyo R. Abayan)