CEPCA Grand Finals banatan karong hapon

Usa ka dosenang best executive chess players ang mag-ilog sa titulo sa Cebu Executives and Professional Chess Association (CEPCA) Grand Finals karong hapon diha sa Boy Pestaño's residence sa Mabolo, ning siyudad.

Ang duwa nga sugdan sa alas-2:00 sa hapon  gilangkuban sa monthly finalists nga sila si Percival Fiel (January), Nic Cuizon (February), Miguel Banibane (March), Joe Atillo (April), Maggi Dionson (May), Mandy Baria (June), Zaldy Tabanao (July), Jun Olis (August), Mat Matuco (September), Jojo Muralla (October), Richard Ouano (November) ug Bombie Aznar (December).

Lain sab nga torneyo alang sa non-finalists ug kids ang ipahigayon dungan sa grand finals.

Ang awarding sa mga mananaog ug Christmas party mosunod human sa torneyo ug  ingon man ang induction sa new set of officers ug members sa maong asosasyon.