Barangay Bago basketball tournament semis sugdan karon

Magsagubang na sab og laing bug-at nga tahas ang upat ka teams  nga   nilampos sa eliminasyon round dihang  magsugat na  sab ang ilang dalan sa  pagsugod  sa semifinals sa 2007 Barangay Bago Invitational basketball tournament karong gabii diha sa Bago Sports and Cultural Complex.

Unang magkumbati sa semifinal mao ang Arpli Residences batok sa ASA Cagers nga gitakda sa alas-7:30 sa gabii ug sundan kini sa duwa tali sa Colonia Stars ug  Sto. Niño-Tabuelan Selection sa alas-9:30 sa gabii.

Matud pa ni Eddie Montebon nga ang matag koponan mahimong mokuha og imports sama sa mga commercial players  aron  moduga'g kalig-on sa  tagsa-tagsa nilang  line-ups.