Norman Black moabot karon dinhi sa Sugbu

Gitakdang moabot karong adlawa si  Ateneo de Manila University men's basketball coach Norman Black aron makigkita sa mga lider sa basketball program sa Sacred Heart School-Jesuit (SHS-J).

Mao kini ang gipadayag ni sportsman Jack Huang, ang SHS-J  alumnus, kinsa aktibo usab sa basketball program sa Ateneo.

Si Black gipaabot mohatag og pointers ug notes sa tunghaan diin siya makigdayalogo sa mga basketball leaders ug coaches sa  SHS-J. Mangulo sab siya sa practice sessions sa SHS-J teams sa iyang usa ka adlaw nga pagbisita.

"The long-term outlook for this linkage is to make Cebu (and Sacred Heart) a possible source of talents for  Ateneo's collegiate team. We're all excited about coach Norman Black's visit to Sacred Heart, knowing that any input he has will be a big boost to the school's program," matud pa ni Huang.

Si Black ug Ateneo Blue Eagles lab-as pang  midagit  og korona  sa 2007 Collegiate Champions League  human  gilubong ang seven-time Cebu Schools Athletic Foundation, Inc. (CESAFI) champion University of the Visayas sa finals.