Ground & Pound  IV mas kulbahinam

Mabulokon nga away ang masaksihan sa mga Sugbuanon sa usa ka gabiing aksiyon diin ang Visayas fighters modepensa sa ilang balwarte batok sa Mindanao warriors sa ikaupat nga hut-ong sa Ground and Pound Mixed Martial Arts (MMA)  and Kickboxing nga giulohan og “Shockwave” karong Disyembre 8 diha sa Cebu Coliseum.

“Definitely ‘Shockwave’ will be more exciting than the past three installment of Ground & Pound,”  matud pa ni  event organizer ug Yaw-Yan Cebu ArDigma Martial Arts Federation Inc. founder Benigno ‘Master Ekin’  R. Caniga, Jr.  sa usa ka  press conference sa miaging gabii didto sa   Yaw-Yan Cebu headquarters.

“We have assembled Class A fighters to give the spectators a very entertaining action. Our top bets in the Visayas will go up against the best in Mindanao. Though we’re the host, we can’t underestimate the fighters from Mindanao because they will surely give their all-out best to beat a Yaw-Yan fighter. It’s something special for them, some sort of a bragging rights,”  dugang pa ni Caniga.

Ang main attraction sa Visayas-Mindanao showdown  mao ang sangka ni Ryan ‘The Real Deal’ Solana Yaw-Yan Musang sa Lapu-Lapu City batok ni undefeated Alcer ‘D Master of Disaster’ Lozada sa Mindanao Top Team sa Butuan City alang sa three-rounder Mixed Martial Arts bout ubos sa 70-kilogram division.

“I can say that Solana is a complete fighter. He’s very exciting. He is fast and has power. It’s going to be a great fight,”  pasalig  ni  Yaw-Yan Musang instructor Richard Tan.

Ang garbo sa Yaw-Yan ArDigma Cebu nga si Engie ‘The Destroyer’ Piloto makigsangka ni Leo ‘Thunder’ Filisan sa Mindanao Unified Martial Arts sa Cagayan de Oro City.

Sa laing kumbati sa MMA, si Maxlito ‘Hyper Eagle’ Yong sa Yaw-Yan Musang moharong ni  Eugene ‘The Brawler’ Yunque sa Bacolod Fight Club, Cesar ‘Alamid’ Yap makigtigi ni Erwin ‘The Bomber Man’ Neri sa FKR Philippines sa Cagayan de Oro ug Elmer ‘D Hammer’ Jandayan sa Bohol Sagravate Pit Fighting Society makigsangka ni Alan ‘D Game Plan’ Atup sa Butuan.

Lain pang mga away gilangkuban nilang  Jovito ‘Young Hercules’ Abellana sa Calma Stable  batok Charlie Belle ‘The Steelman’ Castro, Vicvic ‘The Jet’ Gesta  batok Steve ‘The Wild’  Sevilleno, Eric ‘Baki’ Areglado of LLC’s C-Mac Mix sa Lapu-Lapu City batok  Greg ‘Anaconda’ Gesta, Dondon Gesta  sa  C-Mac Kickboxing Club  batok Randy ‘The Grappler’ Morres ug Raffy ‘The Hawk’  Tuñacao sa  Soma KC batok Steven ‘The Muma Boy’  Lagbas.

Atol usab sa press conference  miulbo ang verbal war   tali nilang  Nicanor ‘The Energizer’ Leonardo sa Black Scorpion KC sa Talisay City ug Leo ‘The Golden Boy’ Gearlan sa Yaw-Yan Musang atol sa press conference.

Sa laing kickboxing rumble, si James ‘Bisayas’ Dabon sa Yaw-Yan Ardigma Cebu moharong ni Freddierick ‘Johovah Nissi’ Amparado, Argel ‘The Phantom’ Oppus sa Arcomjukai KC sa Mandaue moharong ni Dexter ‘Buakaw’ Melon sa Dumaguete Muay Thai ug si Jimuel ‘The Conqueror’ Naigie sa Arcomjukai makigsangka ni Marjun ‘The Muma Warrior’ Poriento.

Ang mga tiket mapalit sa tag-P50 alang sa general admission, P100 sa upper box, P150 sa lower box, P300 sa ringside ug P1,000 alang sa VIP.

Mapalit kini diha sa Yaw-Yan Ardigma Gym sa room 304 sa Villacampa-Capuras Building sa dalan Sanciangko, ning siyudad.

Alang sa dugang kasayoran ug ticket reservations, mahimong motawag sa (032) 255-0356, (032) 255-8919 or (032) 255-1405.