Ocañada naka-silver sa dartfest

Gipaniguro ni Winnie Ocañada nga ang Cebuano darters dili magminghoy sa ilang pag-uli dihang ilang gisakmit ang ikaduhang dapit sa doubles event sa San Carlos-Pinta Flores Darts Tournament didto sa San Carlos City.

Mipakita si Ocañada sa iyang kabating sa duwang dart bisan pa og bag-o pa ang iyang katimbang aron pag-ipsot sa makakahadlok ug kulbahinam  nga duwa sa finals.

Laing Cebuano darters nga sila si Freddie Granada ug Ramon Solas mitapos sa ikatulo nga dapit sa maong torneyo.

Ang pagpahiluna sa ikaduha ug ikatulo nga mga dapit igo na kaayo alang sa mga Sugbuanon bisa'g wala usa kanila ang nakaabot sa final round.

Human sa torneyo sa San Carlos, ang mga Sugbuanon nanikaysikay karon alang sa Philippine Open nga gikatakda sa tunga-tungang bahin ning bulan sa Nobiyembre didto sa SM Megamall.