People Support, Lear Corp. nanghawod
Ang People Support ug Lear Corporation maoy nanghawod sa tagsa-tagsa nila ka dibisyon sa bag-o lang natapos nga 1st Inter-Corporate 7-Aside Football Tournament didto sa Don Bosco College sa Labangon, ning siyudad.
Gilampurnas sa People Support ang Teradyne squad aron pagdaog sa men's division title.
Ang People migamit sa ilang kasinatian nga ilang nakat-onan gikan sa ilang partisipasyon sa 1st Futsal for Don Bosco Boys Home pagpukan sa Teradyne.
Sa laing bahin, ang Lear Corporation, nahimutang sa ikatulong dapit, apan ang ilang counterpart maoy milangkat sa korona sa women's division.
Ang maong kalihunta nga gitukod sa BDFAC-Libero Concepts giapilan sa 12 ka teams gikan sa nagkalain-laing BPO/Call Center ug MEPZ companies nga nagbasi dinhi sa Sugbu.
"The level of football that was carried out by all the teams was very honest and fair making the games very evenly matched," matud pa ni Dr. Dido Aviles, ang presidente sa organizing BDFAC.
- Latest
- Trending
