Firefly ipsot sa OT
Sunod-sunod nga kadaugan ang naangkon sa Firefly Lighting human makaipsot sa overtime batok sa Barili Selection sa iskor nga 115-101 sa 2007 Aloguinsan Basketball Tournament didto sa Aloguinsan Alodome.
Milabaw og otso puntos ang Barili sa iskor nga 79-71 sa nahabiling sayes minutos sa duwa ug nagpanikad na kining molangkat sa kadaugan apan mi-rally ang Firefly ug nakatabla pa kini sa iskor nga 93-all.
Kalit nga nausab ang templada sa duwa pagsud sa overtime period ug didto na midikit ang suwerte sa Firefly.
Sila si Walden Fuentes ug Jojo Belano nga maoy nangulo sa pagpangatake sa overtime nagkumboya og 43 puntos. Si Fuentes mibugha og 25 puntos, samtang si Belano mikadlit og 18 puntos alang sa Firefly nga nag-una karon sa standing nga adunay 2-0 win-loss record.
Puntos matag
FIREFLY (115) - Fuentes 25, Go 25, Calooy 21, Belano 18, Abapo 16, Reclamo 6, Estrasa 3
BARILI (101) -- Doy 27, Neting 18, Opone 15, Malig-on 10, Benedicto 8, Ongga 8, Nivel 6, Maniego 4, Ramon 2, Codera 2.
- Latest
- Trending
