Carcar City Mayor's Cup sugdan na

Gituohan  nga  mabulokon ang pagbukas sa 1st Carcar City Mayor’s Cup basketball tournament  nunot sa panagsangka sa bisitang  team  University of Cebu (UC) Basic Fundamentals ni coach Caleb Gawangon batok sa Baisa Security Agency  karong gabii didto sa Carcar City gym.

Sa preliminary game nga sugdan sa alas-7:00 sa gabii, ang Ranz  makigsangka  batok sa Double R.

Matud pa ni deputy commissioner Julie Flores sa Carcar City Sports Commission nga  wala nay himuon  programa sa  naasoy'ng kalihukan.

Gawas sa  Baisa Security Agency ug  UC Fundamentals, lain pang teams nga mosalmot  mao  ang Alfie  Air and Sea Forwarding, Arthro, Southwestwern University (SWU) Cobras ug Asian College of Technology (ACT) Cyber Knights.