3rd Dancesport sa Sugbu sa Sept. 22

Ang 3rd "DanceSports sa Sugbu" ug ang 2nd Cebu International DanceSports Federation Open nga gitakda karong Septiyembre 22 diha sa Waterfront-Cebu City Hotel sa Lahug ning siyudad nakakabig og daghan tubag gikan sa dance athletes dinhi ug gawas sa nasud.

Ang Dancesport Council of the Philippines Incorporation (DCPI) board of director ug Cebu City Sports Commission (CCSC) dancesport head nga si Edward Hayco mibutyag dinhi sa Banat News nga nagtubo ang gidaghanon sa mga entrante ug daghan pa sab ang buot nga magpalista. Ug tungod sab sa daghan "out-of-towners," ang organizing Dancesport-Team Cebu City milugway sa deadline sa pagduso sa mga entries.

Sa pagka karon, adunay 400 ka dance athletes  labot na niini ang 300 Cebuanos ug 100 foreigners ang mikompirmar sa ilang partisipasyon sa maong kompetisyon.