CIT 'hawod sa scrabble
Gipakita ang kamaayong laki sa
Ang CIT nga gimaneho nilang Kendrick Mendiola, Celine Acuña, Ronnel Valle, Albert Lee Alcovendras, Jaime Libron ug Alvin Dalion, mihipos og 15 puntos aron pagpukan sa higpit nga kaatbang University of the Visayas (UV) Green Wizards.
Ang UV, kinsa mirehistro og 13 puntos gilangkuban nilang Mary Joy Cabanig, Michael Trinidad, Jayvee Polancos, Marife Paragoso, Archie Hisoler ug Sarah Amor Samson.
Ang University of San Carlos (USC)-BED South Campus miani og 12 puntos diin nagtabla kini uban sa University of Cebu (UC)-A, apan ang USC maoy nakaangkon sa ikatulong lingkoranan tungod sa "higher tie-break" output.
Ang USC gibitoonan nilang Francis Paolo Omega, Kristine Villacastin, Mark Eliezer Arnoco, Eljamaine Villegas, Kristine Rose Mondero ug Faye Joanne Advento nga nakakuha og 824 tie-break points hinungdan sa pagkaparot sa UC-A nga adunay 309 tie-break points.
Ang Highest Single Turn award napunta ni Guadalyn Tahum sa Abellana National School (ANS) uban ang 129 puntos, samtang ang Highest Single Game award nabira ni Mark Eliezer Arnoco sa USC nga adunay 504 puntos. Ang duha parehong nakadawat og bulawang medalya.
Gawas sa mga tropeyo ug medalya, ang CIT mibulsa sab og P2,500, samtang ang UV-main nakadawat og P1,500 ug ang USC-BED South Campus nakabitbit og P1,000.
- Latest
- Trending
