Paolo is in tip-top shape By Leah Salterio

Usa ka magbabasa niining lindog mi-text nga nagkanayon: "Mangutana lang ko bahin sa pagkupot sa tako dayong tira nga dili mokiwag ang kamot. Daghan kaayong salamat." -- 0906-8736918

Makadaghan na nako hisguti ang bahin sa paggunit sa tako. Kun wala ko masayop, ang buot mong ipasabot mao ang hustong paggunit sa tako sa higayon nga mohuyad ka na aron pagbuhi sa usa ka tayadas. Dinhi man gong dapita nga lagmit mokiwag ang kamot ug mausab ang target sa tako. Sa ingon, dili maigo ang tukmang puntariya.

* * *

Simple lang ang akong tubag sa imong pangutana. Akong hulaman ang pamahayag sa respetadong billiard expert nga nag-ingon nga aron dili mokiwag ang kamot, kinahanglang mag-amping ang magdudula nga dili makahimo og involuntary movement. Ang paglihok gud sa lawas daku kaayo'g epekto sa paggunit sa tako.

Si Ashok Kumar, usa ka respetadong sportsperson ug nagbaton og Post Graduate Diploma sa Sports  Management, miingon: "While feathering, you should keep checking that yoiur cueing is straight, and that the cue is directed at the point on the cue ball that you want to hit it. The purpose of feathering is threefold. It allows you to check that you are cueing straight and it builds rhythm and it assists concentration. There is no point in overdoing these preliminaries. The longer you wait, the greater the chance of involuntary movement.

* * *

Klaro kaayo ang buot ipasabot ni Kumar. Dili maayo ang dugay nga pagpanako apan labaw nang dili maayo kun dalion. Kinahanglan nga motira ka sa hustong panahon. Ang dugay kaayong pagpanako posibleng makapasiugda og pagpanghawoy sa bisan unsang parte sa imong lawas nga maoy hinungdan sa involuntary movement. Sa higayon nga makahimo ka'g involuntary movement, seguradong mokiwag na ang imong pagtira.

Midugang si Kumar sa pag-ingon: "Nothing must move except the right forearm when you play a shot."

Aron dili mokiwag, ayaw palihoka ang ubang parte sa imong lawas gawas sa imong kamot. Idugang pud nako ang mata kay kinahanglang molihok kini aron pagsuta kun tul-id na ba ang puntariya.

* * *

(Mga sugyot ug pakisayod? Text sa 0910-8105522)