Ikaapat na panalo target ng Burger King

Isa na namang eksplosi-bong laro ang inaasahan mula kay Ronjay Buenafe sa pag-asam ng Burger King na masungkit ang ikaapat na sunod na panalo laban sa Dazz ‘Sang Patak ngayon sa 2007 PBL Unity Cup sa Oliva-rez Sports Center.

Pinahanga ng 6 footer na si Buenafe ang mga mano-nood at pinasikatan ang mga dumedepensa sa kanya nang magpakawala ito ng 24 puntos sa impresibong 5-of-8 shooting mula sa three-point zone bukod pa sa mahuhusay na drives na tumulong sa Burger King na igupo ang Cebuana Lhuillier-Pera Padala, 80-69 noong Martes.

Magtatagpo ang Whoppers at Kitchen Specialists sa ganap na alas-4 ng hapon kung saan susuporta kay Buenafe si JR Quiñahan laban sa Reed Juntilla-led squad.

Maghaharap naman sa opening game sa ganap na alas-12 ng tanghali ang defen-ding champion Harbour Centre at San Miguel-Magnolia ha-bang aasintahin naman ng Henkel-Sista ang kanilang unang panalo sa apat na asignatura kontra sa Toyota Balintawak sa alas-2 ng hapon.

Ang unang dalawang laro ay ipapalabas sa Basketball TV simula alas-5 ng hapon habang ang ikatlong laban ay ipapalabas sa Linggo simula alas-7 ng gabi.