ALSP-Atan Guardo Cup gitakda karong Domingo

Andam na ang tanan alang sa pagpahigayon sa tinuig nga Association of Law Students of the Philippines (ALSP)-Cebu nga giulohan og "Atan Guardo Cup" karong Domingo diha sa University of San Carlos- Main Gym.

Lima ka teams ang mosalmot sa maong torneyo nga gipangulohan sa University of San Carlos, University of the Visayas, Southwestern University, University of San Jose-Recoletos ug ang Integrated Bar of the Philippines (IBP).

Samtang ang University of Cebu, University of Southern Philippines Foundation ug ang Baristers, wala pa mopadayag kun mosalmot ba kini sa maong torneyo.

Mga events nga tigian mao ang basketball, volleyball ug badminton.

Ang ALSP-Cebu gilangkuban sa dili mominos sa 60 ka law student councils/governments/ organizations lukop nasud.

Ang maong torneyo mosikad sa ala-1:00 sa hapon diin usa sa mga highlights niini mao ang pagpili sa Miss ALSP-Cebu Guardo Cup 2007.