Doce Pares magsaulog sa ilang ika-75 founding anniversary

Ang Cacoy Doce Pares World Eskrima Federation magsaulog sa ilang ika-75 founding anniversary sa Doce Pares Self-Defense System karong adlawa, Enero 6, diha sa ilang headquarters sa 81-C. Padilla St. ning siyudad.

Ang talaharong mayor sa dakbayan sa Sugbo nga si Tomas Osmeña maoy pinasidunggang dinapit ug mamumulong sa nahisgutang Diamond anniversary ug siya sab ang inducting officer sa bag-ong hut-ong sa Federation Officers nga napili atol sa ilang General Membership Meeting niadtong Disyembre 30, 2006 uban ni Grandmaster Ciriaco 'Cacoy' Cañete, kinsa napili pag-usab isip presidente.

Highlight sa maong programa mao ang eskrima demonstrations/exhibitions sa mga kampiyon sa miaging tuig nga Cacoy Doce Pares World Eskrima Tournament nga diha gipahigayon sa Cebu Coliseum.

Ang mga eskrimadors ni Cacoy malampusong milangkat sa overall championship title, nga maoy nakapahimo sa Philippine Team nga World Champion of Eskrima.

Ang maong grupo modepensa sa ilang titulo karong Septiyembre didto sa Indonesia, diin ang team ni Master Glenn Cardiner mo-host sa 4th Cacoy Doce Pares World Eskrima Tournament.