MVBA Inter-division mosikad karong Nobiyembre. 14

Ang Inter-division phase sa ML Kwarta Padala Mindanao Visayas Basketball Association (MVBA) Second Conference mosikad karong Nobyembre 14 dinhi sa "Queen City of the South" diin duha ka mga duwa ang pagahimuon sa managlahing binyu.

Ang Toyota-Iloilo Turbos makigtakos sa Iligan Archangels sa alas 6:00 sa gabii diha sa Lapu-Lapu City Gym, samtang ang Talisay City Aquastars makigharong sa Lanao Royals sa alas 8:00 sa gabii diha sa Talisay City Sports Complex.

Mao kini ang unang higayon sa kasaysayan sa MVBA nga ang teams gikan sa Visayas ug Mindanao divisions mag-abot sa elimination round.

Sa katapusang bahin sa classification phase, ang top two teams sa matag division makaangkon og twice-to-beat batok sa duha ka teams nga makasulod sab sa semis. Ang modaog sa semis mo-abante alang sa best-of-three finals.

Ang division champions mo-abante sab alang sa best-of-five showdown sa MVBA Second Conference title.

Sila si MVBA commissioners Boy Murillo ug Willie Generalao nagkanayon, ang teams nga adunay maayong rekord human sa elimination round kanunay makakuha og homecourt advantage sa sunod nga round sa torneyo.