Barkada nitumba sa CECABA All-Stars

Ang team Barkada mipakanaog og hugot nga duwa sa katapusang kuwarter aron paghipos og daog, 77-65 batok sa Cebu Eastern College Alumni Basketball Association (CECABA) All-Stars sa 2006 Executives Cup basketball tournament sa miaging Domingo diha sa City Sports Club Cebu gym. Sa main game, ang Insular Life midaog sab batok sa City Sports Club-Sirlitz/Skylark sa iskor nga 93-81.

Ang Insular Life miinat sa ilang baraha, 4-2 uban sa Barkada, samtang ang City Sports Club pabiling walay daog sa unom ka duwa.

Si Pablo Yu maoy nangulo sa Barkada sa iyang 19 puntos uban ang iyang season-high 10 ka assists ug unom ka rebounds.

Si Danny Lim midugang og 17 puntos, samtang si Reynaldo Zamora miamot og 12 puntos, 12 ka rebounds, unom ka assists ug unom usab ka steals.

Ang CECABA stars napakyas pag-angkon og daog tungod kay wala moduwa uban kanila ang duha nilang sinaligang nga sila Edvin Kaw ug Christopher Cokaliong.

Si Richard Yu maoy nikiat og maayo dayon tali og 19 puntos uban ang walo ka rebounds, samtang si Stephen Tan mitunol og 14 puntos.