Guardo mihatag hinabang pinansiyal sa Siso siblings

Si kanhi Cebu City Sports Commission chairman Jonathan Guardo mitunol og financial support ngadto sa Siso siblings alang sa ilang pagsalmot sa Milo Tennis Cup karong Hulyo 7-9 didto sa Ozamiz City.

Si Bernardine 'Niño' Siso mobanat sa 14-under boys division, samtang si Sally Mae Siso mowadwad sa 12-under ug 14-under girls division.

Si Sallydine mo-entra sa 14-under ug 16-under girls division.

Si Guardo misimpatiya sa tulo ka mga bata human ang ilang amahan nga si Dino nipanaw sa miaging bulan.

Ang inahan sa tulo nga si Sally mihatag sa iyang kinasingkasing nga pasalamat ngadto sa ilang sponsors ug supporters sa ilang makanunayon nga pagsuporta ilabi na karong panahona nga wala na si Dino.

"Daku kaayo mi'g pasalamat kang Mr. Guardo sa iyang padayon nga suporta sukad pa sa una. This is another challenge for my kids to excel further now that they don't have their father when they play. But we know that Dino is watching us from above and we dedicate each and every game to him," matud pa ni Sally.

Ang managsuong Siso misalmot sa Tru Flex National Tennis Tournament sa Manila ug sa bag-o lang natapos nga Gullas Cup sa wala pa mopanaw ang ilang amahan.