Feliciano midaog sa Visayas-Mindanao elim

Ang national team member Frederick 'Erick' Feliciano midaog sa Visayas and Mindanao elimination sa SanMig Light-presented Philippine Mountainbike Tour diha sa Velasquez racetrack sa Busay.

Gisugdan ni Feliciano ang iyang kampanya sa Tour pinaag sa pagtapos sa ikatulong dapit, human niadto nikatkat siya sa ikaduha sa ikaduhang outing ug sa katapusan nakab-ot na gyud niya ang kinatas-ang dapit sa iyang ikatulo nga pagsuway ubos sa pro division.

Si Feliciano, ang bronze medalist sa 23rd Southeast Asian Games, mao kanunay ang nag-una sa ikawalo nga lap hinungdan nga iyang naangkon ang kadaugan.

Ang Sugbuanong si Niño Surban sa Team Quickflight-J Marketing maoy mipahiluna sa ikaduhang dapit, gisundan kini ni Jojo Cortes alang sa ikatulo.

Laing sakop sa RP team nga si March McQuinn Aleonar maoy mitungtong sa ikaupat, samtang si Joseph Diez maoy mikapyot sa ikalima.