Pacquiao batok Kelley

Si Bobby Pacquiao, ang manghod ni Manny, mag-atubang na usab og malisud nga tahas sa iyang career sa iyang pakigsangka ni Kevin Kelley karong Hunyo 10 didto sa Madison Square Garden sa New York.

Matud pa nga higayon na kini ni Bobby nga iyang ipamatuod sa kadaghanan nga dili tsamba ang iyang naangkon nga kadaugan batok ni Carlos Hernandez.

Si Pacquiao mipukan ni Hernandez niadtong miaging Oktubre 2005 sa undercard sa rematch nilang Corrales ug Castillo didto sa Thomas and Mack Center sa Las Vegas.

Si Bobby kasamtangang nagbitbit og 26-11-3 win-loss-draw record uban ang 11 ka knockouts adto mobaid sa iyang kumo didto sa Wild Card gym ubos ni Freddie Roach.