Mic & Mat, Lola Tikya's daog

Ang defending champion Mic & Mat Convenience Store nipukan sa Don Bosco Friday Class, 93-85, samtang ang Lola Tikya's nidaog sab batok sa Kool Craft, 89-84 sa nagpadayong aksiyon sa K Gallery Basketball Tournament 2nd Conference diha sa Visayan Glass Gym, sa Guadalupe ning siyudad.

Si Sherwin Candejada maoy nangulo sa Mic & Mat uban sa iyang 18 puntos, samtang si Jimbo Noel mao usab ang nangulo sa kadaugan sa Lola Tikya's sa iyang 20 puntos.

Ang duha ka teams pulos nagbitbit og 4-1 win-loss record sa Bracket B ug magharong sila sa usa'g-usa karong Biyernes diin ang modaog maoy mopasilong sa semifinal round.

Sa bracket A, ang Atan Guardo nipusa-pusa sa Artkyob, 93-82, samtang ang walay pilde-pilde nga CEBFA All Star milubong sa Monster Radio, 108-77. Midaog sab ang Diakon Konsult Construction batok sa Lampel, 70-64.

Ang CEBFA gikinahanglan nga modaog batok sa Guardo karong Sabado aron paglikay sa komplikasyon ug mo-abante ngadto sa sunod nga hugna.