Mag-aral lumangoy sa BLSS

Tag-init na naman. Damang-dama mo na ang matinding sikat ng araw at halos gusto mo nang magbabad sa swimming pool.

Pero mas maganda kung magbababad ka sa swimming pool na marunong kang lumangoy.

Kaya’t tiyak na maraming swimming schools na naman ang magsisimula ng kani-kanilang swimming lessons.

Ngunit ang pinakamatatag ay ang Bert Lozada Swimming School (BLSS) na ngayon ay nasa kanilang ika-50th year sa mga swimming programs magmula sa mga sanggol hanggang sa may mga edad na.

Nagkapaghulma na rin ang BLSS ng mga magagaling na swimmers tulad nina Jenny Guerrero at Ryan Papa. Bukod pa rito, ang BLSS lamang ang tanging swim school na ang mga instructors ay sumailalim sa safety training sa Philippine National Red Cross at American Swimming Coaches Association.

Maraming mga schools, clubs at public at private institution na pinagdarausan ng competitive at comprehensive program ng BLSS.

Sa ano pa ang hinihintay nyo? Go na kayo sa pinakamalapit na BLSS venues ngayong summer at bukod sa pag-eenjoy ay madali pa kayong matututong lumangoy.

Para sa karagdagang impormasyon tungkol sa BLSS summer swim programs at accredited venues, mag-log on sa www.berthlozadaswimschool.com o tumawag sa 589-1982/563-5532/562-8041/800-0573/805-0237 o 0917-700SWIM.

Ang BLSS ay pinamamahalaan ng magkapatid na Angelo at Anthony Lozada na pinasimulan ng kanilang amang si Bert Lozada.

* * *

Kailangan pa pala ng Talk N Text na magtungo sa Hong Kong para manalo. Sulit naman siguro ang naging laban doon dahil tiyak na dinumog ang games sa Queen Elizabeth Stadium.

Mrami kasing tumatawag sa amin mula sa Hong Kong at nag-inquire tungkol sa magaganap na game sa pagitan ng Purefoods at Talk N Text. Sure na sure akong maraming nanood dahil maraming OFWs doon. Katunayan nga, one week before the game maraming callers from Hong Kong ang aming natanggap.

O di ba bongga.

* * *

Nais ko nga palang pasalamatan si Mr. Go Teng Kok, for providing us a room in Century Park Hotel noong 20th year celebration ng Pilipino Star Ngayon last Friday. Kasama kong nagpapasalamat sina assistant sports editor Beth Meraña, Metro editor Jo Lising-Abelgas, Libangan editor Jojo Cruz, Judy Serrano at Olive Reyes. Salamat po Mr. GTK.