Rematch kay Morales mas hinihintay ni Pacquiao

LOS ANGELES, California – Sa likod ng kanyang nalalapit na laban, para kay Manny Pacquiao, ang pinakamaha-lagang araw na kanyang pinakahihintay ay ang pagsapit ng Enero 21 ng susunod na taon.

Ito ang araw na pina-pangarap ni Pacquiao – ang pagkakaroon niya ng tsansa na muling mai-angat ang kanyang res-peto at makapaghiganti sa oras na muli silang magkaharap ni Erik Morales sa kanilang re-match matapos ang kani-lang huling laban noong Marso 2005 sa MGM Grand sa Las Vegas.

At upang matupad ito, malalim na preparasyon ang kanyang ginagawa upang matapatan ang tikas ni Morales.

Ayon kay Pacquiao, handa siyang gugulin ang Yuletide season para sa kanyang workout at pag-papawis sa Hollywood kaysa sa makipagsaya sa Manila sa pagdiriwang ng pagpasok ng Bagong Taon.

Plano ni Pacquiao na magbalik muli dito sa unang linggo ng October upang manood ng laban ng kanyang nakababa-tang kapatid na si Bobby kontra sa wild-swinging na si Carlos ‘Famoso’ Hernandez ng El Salvador sa isang laban sa ilalim ng Diego Corrales-Jose Luis Castillo world lightweight rematch sa Thomas and Mack Center sa Las Vegas.

At matapos nito, sisi-mulan na ni Pacquiao ang training sa Wild Card Gym bago magbabalik ng Manila kasama ang kan-yang American manage-ment team.

Pero bago ang lahat ng ito, kailangan muna niyang dispatsahin ang kanyang kalaban na si Hector ‘El Artillero’ Velas-quez ng Mexico na nakatakda niyang sagupain sa Sabado ng gabi (Linggo ng umaga sa Manila) sa Staples Center.