Golden Tour tagumpay ng mga Pinoy

Sa kabila ng pinaiksing 10 stages na umaabot sa mahigit 1,500 kilometro na walang sapat na oras para sa preparasyon na ito bunga ng krisis sa ekono-miya--para sa mga Pinoy, ito ay malaking tagumpay pa rin ang katatapos pa lamang na Tanduay Golden Tour 50@’05.

Napagwagian ni Warren Davadilla ang kanyang ikalawang korona at ipinad-yak rin ng Colt 45 riders ang titulo sa team competition, gayunpaman, ang lahat ng lumahok sa field ay pawang mga nagsipanalo sa golden edition ng summer spectacle on wheels.

Bunga nito, pumayag ang Tanduay na suportahan hindi lang ang nasabing event kundi maging ang development ng iba pang sports partikular na sa cycling.

"Sports have always had a soft spot in the heart of Dr. (Lucio) Tan," ani Tanduay marketing manager Larry Li, na tumayong caretaker ng isa sa dalawang koponan ni Lucio Tan sa Tour--ang isa ay ang Guerrero Brandy Road Warriors. Susuporta rin ang Lucio Tan group sa nalalapit na Southeast Asian Games ngayong taon at sa exposure ng national cyclists na nakuha nila sa Tour ang magsisilbing gabay ng RP squad.