Lahat na lang si Ren Ren

Si Ren Ren Ritualo na ang nagdala ng laro sa overtime, si Ren Ren pa rin ang sumiguro ng panalo.

Lahat na lang si Ren Ren!

Kinapitan ng suwerte ang pabalibag na pagtira ng tres ni Ritualo bago maubos ang oras sa regu-lation upang hatakin ang extra period ng labanan at si Ritualo rin ang umiskor ng apat na sunod na free-throws na naglagay sa Express sa komportab-leng kalamangan tungo sa 109-106 panalo laban sa Coca-Cola kagabi sa Araneta Coliseum.

Dahil dito, buhay na buhay pa rin ang pag-asa ng Express sa awtoma-tikong semifinal slot sa kasalukuyang Gran Matador PBA Fiesta Conference matapos itala ang ikaapat na sunod na panalo at ika-siyam sa kabuuang 16-laro na nagsulong sa kanila sa pakikipagtabla sa walang larong San Miguel sa 9-7 record sa likod ng nangu-ngunang Talk N Text (11-6) na sinusundan ng Alaska sa 10-7 karta.

Kailangan lamang maipanalo ng Express ang kanilang huling dala-wang asignatura laban sa Red Bull at FedEx para maging contender sa two-two spots na pagkaka-looban ng diretsong biya-he sa semifinal round na nangangahulugang hindi na nila kailangang du-maan sa wild card phase at sa quarterfinals.

Dahil sa patuloy na pagkawala ng suspendi-dong si Rafi Reavis na dinagdagan pa ng pagka-ka-injured ni John Arigo sa kanilang nakaraang laro, walang nagawa ang Tigers kundi lagukin ang kanilang ikalimang sunod na talo at ika-12 sa kabu-uang 17 laro kaya sigura-dong nasa disadvantage na sila sa susunod na round dahil sigurado na sila sa kulelat na No. 10 spot.

Habang sinusulat ang balitang ito, kasalukuyang naglalaban ang Sta. Lucia (9-8) at Purefoods (7-9).