5 RP boxers tagumpay sa Sri Lanka

Hinati ng Philippines ang kanilang asignatura laban sa Amateur Boxing Association of Sri Lanka sa ikalawang araw na dual meet sa Colombo.

Tatlong Pinay boxers at dalawang lalaking boksingero ang nanaig laban sa kalabang Sri Lankan habang isang babae at apat na lalaki ang natalo naman sa kani-kanilang kampanya.

Ang mga nagwagi ay sina pinweight Annaliza Cruz, flyweight Alice Kate Aparri at light bantamweight Annie Albania sa women’s card at light flyweight Albert Pabila at light welterweight Florencio Ferrer Jr. sa men’s division.

Yumuko sa kanilang kalabang Sri Lankan sina light flyweight Josie Gabuco, flyweight Junel Cantancio, bantamweight Rolando Magbanua Jr., featherweight Francis Cutamora at lightweight Genebert Basadre.

"It was quite a good result. The Sri Lankans have made tremendous improvements under their Cuban coaches and the mere fact that five of our national pool members lost to them is an indi-cation that the (Sri Lankans) are steadily improving," obserba ni Amateur Boxing Asso-ciation of the Philippines (ABAP) president Manny T. Lopez

Ang biyahe ng 10-person squad na iginigiya nina coach Roberto Jal-naiz at Roel Velasco kasama sina Felix "Boogie" Apostadero bilang delegation head at Darcito Teodoro bilang referee/judge, ay naging posible sa tulong ng Ginebra San Miguel,First Gentleman Foundation, PSC, Accel at Pacific Heights.