Dandan kampeon sa 6th seed ng Philta Classic

Nakopo ng sixth seed na si Joshua Dandan ang korona sa boys’18-under matapos na iposte ang 6-2, 6-2 upset na panalo kontra sa top seed na si Michael Basco kahapon sa Philta Classic 1 Age-Group Championships sa Rizal Memorial Tennis Center.

Ito ang ikalawang sunod na korona ni Dandan kontra kay Basco matapos ang Milo Tennis Cup noong nakaraang taon.

Hindi rin pinakawalan ni Dandan na lumahok sa prestihiyosong Orange Bowl Juniors Championships dalawang taon na ang nakakaraan ang korona sa 16-under nang kanyang igupo ang No. 8 na si Pablo Olivarez II, 6-3, 6-9.

Napasakamay naman ni Olivarez ang titulo sa boys’14-under class nang kanyang talunin ang second seed na si Patrick Arevalo, 6-0, 6-2.

Tinanghal na kampeon sa boys; 12-under division ang fifth seed na si Francis Casey Alcantara na humatak ng 6-3, 6-1 panalo laban sa second seed na si Bernardine Siso, habang sinungkit naman ng top seed na si Pocholo Macalino ang unisex 10-under title.