F4 concert para sa National athletes

Magkakaroon ng extension ang Pasko ng mga National athletes sa kanilang panonood ng F4 concert ngayon sa PhilSports Multi-Purpose Arena matapos magkasundo ang Philippine Sports Commission at Dai Bay Entertainment para gawing espesyal na panauhin ang mga atleta ng pamosong Tawainese boy band.

Ang konsiyerto, ang kauna-unahang gaganapin sa bansa na tatam-pukan ng lahat ng apat na miyembro ng F4, ng sumikat na television series na Meteor Garden ay inilipat sa PhilSports Arena mula sa orihinal na venue sa The Fort.

Ang paglipat, ayon sa mga organizers ay para ma-accomodate ang mga beneficiaries ng konsiyerto na kinabibilangan ng mga atleta na bibigayn ng sariling venue at higanteng screen.

Sa mensahe ni PSC chairman Eric Buhain sinabi nito na "You are the lifeblood of the country’s sports system, and without you, there will be no heart to throb and sustain life to the country’s sports program."

"The concert is our humble gift to all of you. And as we celebrate the birth of our Christ Jesus, please accept our congratulations for a job well done for a fruitful year for Philippine sports," dagdag pa ni Buhain.

Ayon kay Buhain ang F4 concert ay magsisilbi ding Christmas party ng mga atleta. "It’s their own, there will be no other guests and they will be celebrating Christmas among themselves at a place reserved only for them," ani pa ni Buhain.