Tamayo, Domingo sa jins finals

HO CHI MINH -- Isinalba nina Kalindi Tamayo at Veronica Domingo ang mga Filipino taekwondo jins kahapon matapos ang kanilang masamang simula sa 22nd SEA Games Competition sa Phi The Indoor Stadium dito.

Matapos maka-bye sa quarterfinals, ang 2001 Kuala Lumpur SEA Games silver medalist na si Tama-yo ay umusad sa women’s bantamweight finals ng walang kahirap-hirap nang mag-withdraw ang kanyang kalabang Malaysian na si Elaine Teo Shueh dahil sa injury.

Tinalo naman ng defending SEA Games champion na si lightweight Domingo si Emerald Margaret Dhen ng Indonesia, 3-2 para makapasok din sa finals.

Ang mga final bout ay kasalukuyang pinaglalabanan habang sinusulat ang balitang ito.

Ang tagumpay nina Tamayo at Domingo ay hindi sapat para lukuban ang nakakadismayang pagkatalo ni Roberto Cruz sa men’s finweight competition.

Tangka ang kanyang ika-pitong SEA Games gold, nahirapan ang Syd-ney Olympics veteran na si Cruz kay P. Phibunkhanabak ng Thailand bunga ng kanyang 0-1 pagkatalo sa semifinals matapos itong pabagsakin ng Thai. (Ulat ni Dina Marie Villena)