Fash nais masundan ang tagumpay

Sisikapin ng Fash Liquid Detergent na masustinihan ang kanilang panalo sa nakatakdang pakikipaglaban ngayon sa Viva Mineral Water-FEU sa pagpapatuloy ng PBL Platinum Cup sa Pasig Sports Center.

Nakasakay sa impresibong 65-61 tagumpay kontra sa Welcoat noong nakaraang Martes, mahigpit na paborito ang Liquid Power na maipa-nalo ang kanilang asignatura ngayong alas-4 ng hapon laban sa Water Force.

Samantala, asam naman ng Welcoat na makabangon mula sa kanilang huling kabiguan kung saan babanggain ng Paint Masters ang ICTSI-La Salle sa alas-2 ng hapon bilang panimulang laban.

Asam ng Paint Mas-ters na makuha muli ang solo liderato kung saan sa kasalukuyan ay kasosyo nila ngayon ang pahingang Montaña Pawn-shop sa karta 3-1.